Трак тăрăхне савăнăçлă хыпар çитрĕ: вун çичĕ кĕнеке авторĕ, РФ Журналистсен союзĕн членĕ, Чăваш Енти Музыка обществин тава тивĕçлĕ деятелĕ, М. Трубина тата Н. Янкас ячĕллĕ премисен лауреачĕ Гурий Егорович Дубров (Кăмакал Куркки) Чăваш Республикинчи Писательсен союзĕн членĕ пулса тăнă. Ăна правлени председателĕ Юхма Мишши алă пуснă 389-мĕш номерлĕ удостоверени панă. Вăл Трак енрен çак канашра тăракан тăваттăмĕш çыравçă. Асăннă союзра Д. Александров (Нимĕчкасси), Н. Ершов-Янгер (Янкас), В. Константинов-Владимир Улăхсем (Красноармейски) тăраççĕ. 

Ю. Борисов.