Красноармейски салинчи Ленин урамĕнче ĕçпе вăрçă ветеранне, хăй тĕллĕн вĕреннĕ композитора, ЧР музыка обществин тава тивĕçлĕ ĕçченне, 1965-1977 çулсенче райĕçтăвкомăн культура пайĕн заведующийĕнче ĕçлесе Трак енĕн культура тытăмне аталантарас енĕпе пысăк тÿпе хывнă Наум Григорьевич Григорьева (06.15.1925 - 06.02.2003) чысласа Асăну хăми уçрĕç. Мероприятие спонсор пулса районти Нестер Янкас ячĕллĕ культурăпа искусство тата литература пĕрлĕхĕ (ертÿçи - Прокопьев И.А.- Чураль) йĕркеленĕ. Культура çурчĕ çумĕнчи пултарулăх ушкăнĕ композиторăн халăхра анлă сарăлнă "Тавах, анне" тата "Каçхи юрă" юррисене шăрантарчĕ.

Тĕплĕнрех