 Пушăн 23-мĕшĕнче Чăваш наци вулавăшĕнче чăваш таврапĕлӳçисен черетлĕ X пухăвĕ иртрĕ. Кун йĕркинче — юлашки тапхăрти ĕçсене тишкерни, суйлавсем, пултаруллă таврапĕлӳçĕсене чыслани тата ытти те. Пухăннисем Виталий Петрович Станьялăн «Таврапĕлӳçĕсен 90 çулĕ» ятлă сăмахне итлесе таврапĕлӳçĕсен ĕçне хакларĕç, сĕнӳсем пачĕç. Виталий Станьял «Çĕнĕ вăхăт» кăларăш ĕçне пысăк хак парса унăн директорне А.В. Сорокина чунтан тав турĕ. Виталий Станьял съезда хатĕрленсе ятарлă кĕнеке пичетлесе кăларнă, вăл «Преодолеем любой рубикон» ятлă. Кĕнекере чăваш таврапĕлӳçисен пĕрлĕхĕн уставĕ, Виталий Станьял 2010, 2011 тата 2012 çулсенче каланă докладсем. Çавăн пекех кунта союз хисеплĕ ятсемпе чысланă таврапĕлӳçĕсен ячĕсемпе паллашма пулать.
Съезд чăваш таврапĕлӳçисен пĕрлĕхĕн канашне тата унăн ертӳçине суйларĕ.
Çыпăçтарнисем: |
