Пурăнатăп салара,
Вăл хитре, илемлĕ.
Аслă чаплă урамра
Çурчĕсем те çÿллĕ.

Ярăнатăп йĕлтĕрпе –
Вăрманта пит лайăх.
Ярăнатăп конькипе –
Яп-яка пăр çийĕ.

Эс татах та хитрелен,
Кунсерен ÿссе пыр.
Хăватлан та пуянлан,
Пурне те телей кÿр.

Шетмĕ шывĕ хĕрринче
Ялăм сарăлса ларать.
Унăн тепĕр енĕнче
Вăрман кашласа ларать.

Çĕнелсех пырать ман ял,
Хăпараççĕ çурчĕсем,
Пурăнаççĕ çыннисем –
Пĕри тепринчен пуян.

Хамăр ял çине пăхсан
Мухтанмалăх пур çав ман:
Кунсерен ÿссе пырать,
Таса, хитре курăнать.

Тикĕс шăвать пурăнăç –
Çитĕнÿ те савăнăç:
Пĕрин çемье хушăнать,
Тепри çĕн пÿрте куçать.

Килĕшет мана ялта:
Уçă сывлăш, шăплăх та,
Тăвансем, туссем кунта,
Çывăх юлташсем – шкулта.

Юрататăп ялăма,
Ыр сунатăп ялăма.
Чечеклентĕр яланах,
Чунтанах ăна тавах.