Шăматкун, 21.10.2017, 09:32
Эсир кунта çак ятпа кĕтĕр Хăна | Ушкăн "Хăнасем"

Тĕп страница | Манăн профиль | Тухас

                     Нестĕр Янкас ячĕллĕ пĕрлĕх

                

)?>
Салам кĕтесĕ
500


Тĕп страница » 2016 » Ака » 25 » «Туслăх кăшăлĕ» фестиваль иртрĕ
«Туслăх кăшăлĕ» фестиваль иртрĕ
22:10
Сăн ÿкерчĕк

Тĕплĕнрех

Ака уйăхĕн 25-мĕшĕнче Красноармейски районĕн Культура çуртĕнче Чăваш чĕлхи кунне, Чăваш енре Ĕç çынни çулталăкне, Красноармейски районĕнче Элли Юрьев çулталăкне халалласа «Туслăх кăшăлĕ» фестиваль иртрĕ. Чăваш наци конгресĕн Красноармейскинчи уйрăмĕ йĕркеленипе çак фестиваль виççĕмĕш çул иртет. Çак чаплă уява хатĕрленсе районти тĕп библиотека шкул ачисемпе аслисем хушшинче «Ĕçчен çынна ял савать» сочиненисен конкурсне ирттерчĕ. Конкурса пурĕ 27 çын хутшăнчĕ. Районти «Ял пурнăçĕ» хаçат редакцийĕ «Çын ĕçпе илемлĕ» сăвă çыракансен конкурсне йĕркелерĕ. Унта 17 çын хутшăнма кăмăл турĕ. Районти Культура çурчĕ илемлĕ вулакансен «Пăрчăкан» конкурсне йĕркелесе ирттерчĕ. Сăвва илемлĕ вулама юратакансем 36-ăн пулчĕç. Районти Нестер Янкас ячĕллĕ литература, культура тата искусство пĕрлĕхĕн пайташĕ, Красноармейски шкулĕн чăваш чĕлхипе литератури вĕрентекенĕ Виталий Михайлов шкул ачисем хушшинче Элли Юрьев ентеш-художника, Чăваш Республикин гербĕпе ялавĕн авторне халалласа «Улăп – 2016» интернет-викторина ирттерчĕ. Ку ăмăртăва 40 вĕренекен хутшăнчĕ. Асăннă конкурс-викторинăсене йĕркелесе ирттерекенсем пурте ЧНК уйрăмĕн пайташĕсем. Вĕсем – районта чăвашлăха аталантарассишĕн, шкул ачисемпе аслисен пултарулăхĕпе ăсталăхне ÿстерсе пырассишĕн, тăван чĕлхе хăвачĕпе мăнаçлăхне ÿстерессишĕн хастар та тăрăшуллă ĕçлекен çынсем. «Туслăх кăшăлĕ» фестивальте асăннă конкурссен пĕтĕмлетĕвĕ пулчĕ. Тĕрлĕ енĕпе хăйсен пултарулăхне кăтартма пултарнă вĕренекенсемпе аслисем район администрацийĕн пуçлăхĕ Сергей Львович Молотков алă пусса çирĕплетнĕ е Диплом, е Хисеп хучĕ, е Тав хучĕ илме пултарчĕç. Никам та кăмăлсăр юлмарĕ. Уявра ачасем хăйсен сăввисене тата ентеш-сăвăçсен хайлавĕсене илемлĕ вуласа кăтартрĕç, чăваш юррисене шăрантарчĕç. Культура çурчĕ çумĕнчи «Хавал» ушкăн (ертÿçи – Чăваш Республикин культурăн тава тивĕçлĕ ĕçченĕ Николай Никоноров) хăйĕн пултарулăхĕпе савăнтарчĕ. Чăваш чĕлхи – çепĕç, янăравлă, илемлĕ, мăнаçлă чĕлхе. Чăваш чĕлхи – пирĕн асатте-асанне, атте-анне чĕлхи, мăнаçлă та хăватлă Иван Яковлев Аслă Вĕрентекенĕмĕр чĕлхи, хĕрÿ чĕреллĕ Çеçпĕл Мишши поэтăмăр чĕлхи, хисеплĕ те мухтавлă Андриян Николаев космонавтăмăр чĕлхи, пуян та аслă чун-чĕреллĕ Геннадий Волков ăсчахăмăр чĕлхи. Çак кăмăллă та сăваплă чĕлхепе яланах пĕр-пĕринпе уççăн та ăшшăн калаçар, çывăххăн туслашар, хаваслăн юрлар, сăвăсем çырар, тăван чĕлхемĕре чунтан юратар, хисеплер, чыслăн упраса пурăнар.

\Зинаида Михайлова, Чăваш наци конгресĕн Красноармейскинчи уйрăмĕн ертÿçи

Çыпăçтарнисем:
Миçе çын пăхнă: 151 | Кам хушнă: mixaj_58 | Рейтинг: 5.0/1 |
Пĕтĕмпе миçе комментари: 0


Кĕмелли форма

Шырав

Кун тăрăм
«  Ака 2016  »
ТнЫтЮнКçЭрШмВс
    123
45678910
11121314151617
18192021222324
252627282930

Хыпарсем архивĕ

Ыйту
Cайта хак парăр
Пурĕ миçе хурав: 84

Баннерсем

null

null

null

chuvash.eu

Пушкăрт чăвашĕсен хаçачĕ


Сайт тусĕсем

Статистика



Кунта халĕ: 1
Хăнасем 1
Юзерсем 0

!--
Copyright © Аксар Чунтупай 2017Сделать бесплатный сайт с uCoz