 Авăнăн 15-18-мĕшĕсенче Шупашкарта, Чăваш патшалăх гуманитари ăслăлăхĕсен институтне йĕркеленĕренпе 80 çул çитнине халалласа тĕрĕк пĕлӳлĕхĕн тĕнче конференцийĕ иртĕ. Ирттерекенсем: Раççейри тĕрĕк пĕлӳлĕхĕн комитечĕ, Пĕтĕм тĕнчери тĕрĕк халăхĕсен Ассамблеи, РĂА чĕлхе пĕлĕвĕн институчĕ, Чăваш Республикин вĕренӳ тата çамрăксен политикин министерстви, Чăваш патшалăх гуманитари ăслăлăхĕсен институчĕ.
Конференци чĕлхисем: чăвашла, тĕрĕк чĕлхисем, вырăсла, акăлчанла.
Пурĕ 11 секци ĕçлĕ:
1) Тĕрĕк пĕлĕвĕн еткерĕ, XXI ĕмерти вырăнĕ.
2) Танлаштаруллă-историллĕ тĕрĕк пĕлĕвĕпе алтаистика. Секци хăйĕн ĕçне Н.И.Ашмарин çуралнăранпа 140 çул çитнине халаллать.
3) Тĕрĕк чĕлхисенчи типологисемпе ареалсем.
4) Танлашруллă тата тишкерӳллĕ этнолингвокультурологи.
5) Тĕрĕк тĕнчин диахронири тата синхронири чĕлхе ӳкерчĕкĕ.
6) Тĕрĕк сасă пĕлĕвĕ тата грамматики. Секци хăйĕн ĕçне Л.С.Левитскаяна халаллать.
7) Тĕрĕк халăхĕн пултарулăхĕ тата литератури.
8) Компоративлă халап пĕлĕвĕ.
9) Тĕрĕк тăрăхĕсенчи чĕлхе лару-тăрăвĕн типологийĕ.
10) Пĕчĕк йышлă тĕрĕк чĕлхисем.
11) Историпе чĕлхе пĕлĕвне тишкерсе палăртнă тĕрĕксен çыхăнăвĕсем.
Авăнăн 15-мĕшĕнче конферентçăсене йышăнĕç, вырнаçтарĕç. Тепĕр кун, авăнăн 16-мĕшĕнче, 8 сехетпе 10 хушшинче вĕсем регистрациленĕç.
Авăнăн 18-мĕшĕнче института никĕсленĕренпе 80 çул çитнĕ ятпа тĕрлĕ мероприятисем иртĕç.
Конференцие хутшăнас тесен сирĕн хăвăр заявкăна авăнăн 15-мĕшĕччен çак адреспа ярса памалла: 428015, Шупашкар, Мускав пр., 29 ç., 1 корпус.
Хыпар çăлкуçĕ: http://www.chuvash.org/news/1163.html
Çыпăçтарнисем: |
