2010 çулхи январĕн 16-мĕшĕнче Шупашкарти Чăваш патшалăх оперăпа балет театрĕнче Раççей тата чăваш пичет кунĕсене халалласа чаплă мероприяти иртнĕ. Çак йăлана кĕнĕ уяв медиасезон пĕтĕмлĕтĕвĕсене тунипе кăна паллă мар, кунта республика аталанăвне, информаци уçлăхне тӳпе кĕртнĕ чи лайăх журналистсене чыслаççĕ.
Калем ĕçченĕсене Чăваш Республикин Президенчĕ Н.В.Федоров саламларĕ. Вăл хăйĕн сăмахĕнче чăваш хыпар хатĕрĕсемпе интересленекенсен йышĕ ӳссе пынине, кризис вăхăтне пăхмасăрах хаçатсен тиражĕсем чакманнине палăртрĕ.
Чăваш Республикин Журналистсен союзĕ журналистсен 2009 çулхи конкурсне пĕтĕмлетсе калем ăстисене республика премийĕсемпе наградăларĕ. Пĕтĕмпе конкурса 100 ытла ĕç тăратнă, чи пысăк наградăсенчен пĕрне – Н.В.Никольский ячĕллĕ премине – «Сувар» хаçатăн творчествăлла коллективĕ тивĕçрĕ.
Чăваш Республикин çулсерен паракан журналистсен Николай Васильевич Никольский ячĕллĕ премине наци медиа-ушкăнĕсене аталантарас ĕçе кал-кал туса пыракансене тат ... Малалла вула

ЧР Культура министерствине аудиокĕнекен хăйне евĕрлĕ экземплярне çитернĕ. Чăваш халăх юррисене венгрла куçарнă "Сăра юрри” кăларăм ăслăлăх тĕлĕшĕнчен питĕ кăсăклă. Ăна венгр тата чăваш ăсчахĕсемпе фольклорисчĕсем пĕрле хатĕрленĕ.

Кĕнеке содержанийĕпе те питĕ пуян. Унта чăваш халăх юррисене венгрла шăрантарнă икĕ аудиодиск вырнаçтарнă. Çавăн пекех юрăсен тексчĕсем, халăх культурипе историйĕ çинчен материалсем пур. Аудиодискри юрăсем - Раççей тата ЧР культурăн тава тивĕçлĕ ĕçченĕ Зинаида Козлова ертсе пыракан "Уяв” халăх фольклор ансамблĕн репертуарĕнчен, С.Максимовăн "Тури чăвашсен юррисем” /М., 1932/ тата "146 песен, записанных от Гаврила Федорова” /М., 1934/ кĕнекесенчен.

Чăваш Енре иртнĕ экспедици пирки республика Халăх пултарулăх çурчĕн пай пуçлăхĕ Светлана Лаврентьева каласа кăтартнă: "1998 çулхи авăн уйăхĕнче Шупашкара Венгрирен Клара Адягаши тата Андраш Берец ăсчахсем килчĕç. Вĕсем тури чăвашсен юррисене пуçтарса, çакскерсене венгрсен традици юр ... Малалла вула

... Малалла вула

Паян, кăрлачăн 15-мĕшĕнче, И.Я. Яковлев ячĕллĕ чăваш педагогика университетĕнче «Чăваш сăмахлăхĕпе халăхăн йăла ăспурлăхне тĕпчесе вĕрентмелли ăслайсем» ятлă Атăлпа Урал хутлăхĕнчи ăслăлăхпа хăнăху конференцийĕ иртрĕ. Ăна Виталий Петрович Станьял 70 çула çитнĕ ячĕпе ирттерчĕç. Паллă ăсчах, çыравçă, вĕрентӳçĕ, таврапĕлӳçĕ тата халăх ĕçĕн хастарĕ хут тăрăх 1940 çулхи кăрлачăн 1-мĕшĕнче çуралнă.
Ăслăлăхпа хăнăху конференцийĕ шăп кăнтăрла пуçланчĕ — ăна Андреева Елизавета Александровна, чăваш филологи факультечĕн деканĕ уçрĕ. Вăл конференци йĕркипе паллаштарчĕ — кашни хутшăнакан вĕрентевçе ĕнентерӳ хучĕ пама, кашни доклада кĕнекепе пичетлесе кăларма шантарчĕ. Ун хыççăн Виталий Петрович сăмах илчĕ. Хăйĕн сăмахĕнче вăл пособисене хатĕрлес ыйту çинче кĕскен чарăнса тăчĕ. «Кĕнекене кăларсан ун усси пултăр, ахаль шыв юхтарни ан пултăр. Усăллă пултăр. Хăш-пĕрисем ахаль шыв юхтараççĕ çеç», — терĕ. Нумай пулмасть пулса иртнĕ пăтăрмахпа та паллаштарчĕ — вăл пыракан машин умĕ ... Малалла вула

  Станьял Виталий Петрович (чăн хушамачĕ Никитин), — сăвăç, публицист, литературовед, академик. 1940 çулхи кăрлачăн 1-мĕшĕнче Чăваш Енĕн Шупашкар районĕнчи Кĕçĕн Сĕнтĕр ялĕнче çуралнă.
Кун-çулĕ
  И.Я. Яковлев ячĕллĕ Чăваш патшалăх педагогика университетĕнчен (1962), И.Н. Ульянов ячĕллĕ Чăваш патшалах университечĕн аспиратуринчен (1972) вĕренсе тухнă.
  Чылай вăхăт «Коммунизм Ялавĕ» (Хыпар), «Çамрăк коммунист», «Советская Чувашия» хаçатсенче ĕçленĕ. Каçал, Шăмăршă, Шупашкар районĕсенчи вăтам шкулсенче вĕрентнĕ.
  И.Н. Ульянов ячĕллĕ университетра чăваш литературипе фольклор кафедрин ертӳçинче, Чăваш патшалăх гуманитари ăслăлăхĕсен институтĕнче пай пуçлăхĕнче ĕçлет.
  Чăваш литературипе тата культурипе 5-10 классем валли вĕренӳ кĕнекисем кăларнă.
  1991 çултанпа Чăваш тавра пĕлӳçисен пĕрлĕхĕн ертӳçи, 1992 çултанпа Чăваш халăх академийĕн вице-президенчĕ.