"Литературная Чувашия. Книги года-2011” республикăри конкурс пынă май халĕ пур çĕрте те чылай мероприяти иртет. Нарăс уйăхĕн вĕçĕнче районти тĕп вулавăш чăвашсен хальхи пултаруллă çыравçипе, ЧР Журналистсен Çемен Элкер ячĕллĕ преми лауреачĕпе, ЧР культурăн тава тивĕçлĕ ĕçченĕпе, "Хыпар” хаçатăн тĕп редакторĕн çумĕпе Геннадий Максимов прозаикпа тĕл пулу йĕркелерĕ.
Г. Максимов "Заволжский” клуб çумĕнчи ветерансен "Надежда” клубĕн членĕсемпе, Красноармейскинчи вăтам шкулти 8—9 классенче вĕренекенсемпе тĕл пулчĕ, хăйĕн кун-çулĕпе, кулленхи ĕçĕ-хĕлĕпе паллаштарчĕ, хăйĕн "Çĕрлехи ташă” ("Танец в ночи”) кĕнекинчи повеçсемпе калавсен геройĕсем çинче чарăнса тăчĕ. Геннадий Аркадьевичăн произведенийĕсен тĕп теми — паянхи ялпа хулан пурнăçĕ, çамрăк çынсен савăнăçĕпе хуйхи, юратупа ултав, çутçанталăка сыхласси, çыннăн çĕр çинчи вырăнĕ. Вĕсенче автор обществăпа çыннăн кулленхи ыйтăвĕсене
...
Малалла вула
