Огородниковсен ҫемйинче
икӗ хӗр. Алевтина - асли. Питӗ тӗлӗнмеллескер вӑл. Пӗр вӑхӑтрах хӑюллӑ та хастар,
ҫемҫе кӑмӑллӑ та ырӑ. Кунашкал ҫынсене сайра тӗл пулатӑн. Алевтинӑн ват кукамӑшӗ
ҫапларах пулнӑ тет-и? Ӑна хывнă пулас хӗр пӗрчи.
Шкулта чухнех арҫын ачасем канӑҫ памастчӗҫ ӑна. Мӗн пытармалли
пур, пӗчӗкрен пӗрле выляса ӳснӗ. Ҫитӗннӗҫемӗн тата хитреленсе пычӗ Алевтина. Ҫырӑ
ҫӳҫӗ пилӗкӗнчен те иртрӗ. Сӑн-пичӗпе - чӑн-чӑн пирӗшти. Никам та асӑрхамасӑр иртеймӗ.
